రేడియో హీరోయిన్ శ్రీమతి.శారదా శ్రీనివాసన్

రేడియో హీరోయిన్
శ్రీమతి.శారదా శ్రీనివాసన్

రేడియో హీరోయిన్ అంటే
ఎవరికైనా గుర్తుకొచ్చేది శ్రీమతి.శారదా శ్రీనివాసన్ గారే.

ఆకాశవాణి చేసుకున్న పుణ్యఫలం ఆవిడ.

ఆకాశవాణి హైదరాబాద్ కేంద్రం నాటకవిభాగం
వైభవప్రాభవలతో వెలుగొందిన ఆ రోజుల్లో
శ్రీ.నండూరి విఠల్, ఆవిడ, రేడియో హీరోహీరోయిన్లుగా
అసంఖ్యాక శ్రోతల హృదయాలలో స్థిరవాసం ఏర్పరచుకున్నారు.
అలాగే కె.చిరంజీవి గారితో శారదగారి నాటకాలు కూడాను.

శ్రీ.నండూరి విఠల్

                                                                                     







                                                                                       కె.చిరంజీవి









శారదగారి కంఠం అంటే చిన్నప్పటినుండీ నాకు చాలా ఇష్టం.


అలాంటిది రేడియోలో నేను ఉద్యోగం చేస్తానని గాని,
ఆవిడ అభిమానాన్ని చూరగొంటాననిగాని,
ఆవిడతొ నాటకాలలో నటించే అవకాశం వస్తుందని గాని
ఎలా వూహించగలను.
కానీ అదే జరిగింది
..'మత్పురాకృత శుభాధిక్యంబు తానెట్టిదో..'గానీ.

కౌముది నెట్ మాసపత్రికలో
నా రేడియో జ్ఞాపకాలు రాస్తున్నాను.
అందులో ఆ జ్ఞాపకాలన్నీ ఎలాగూ తలుచుకుం(టూం)టానుగానీ,
నేను కౌముదిలో,
శ్రీ డి.వెంకట్రామయ్య గారు 'రచన' మాసపత్రికలో
మా రాతలు రాస్తూండగానే

నిశ్శబ్ద విప్లవం లా
శ్రీమతి.శారదా శ్రీనివాసన్ గారు
తమ 'నా రేడియో అనుభవాలు,జ్ఞాపకాలు '
అనే అద్భుత రచనను
పుస్తకంగా తెచ్చి
అందరికీ ఆశ్చర్యానందాలను కలిగించారు.

నిన్న 10 జూలై 2011 న
హైదరాబాద్ చిక్కడపల్లి లోని నగరకేంద్ర గ్రంథాలయంలో
డాక్టర్.చాట్ల శ్రీరాములు గారు ముఖ్య అతిథిగా .
శ్రీ.ఇంద్రగంటి శ్రీకాంత శర్మ గారి అధ్యక్షతన,
డాక్టర్.వాడ్రేవు చిన వీరభద్రుడుతన అద్భుత విశ్లేషణా ప్రసంగంతో విశిష్ట అతిధిగా,
డాక్టర్.కె.బి.లక్ష్మి ఆత్మీయ అతిథిగా
క్రిక్కిరిసిన ప్రేక్షకులతో జరిగిన సభ
ఒక మరపురాని తలుచుకునే తరుణం.

తమ ఎదిగీఎదగని కుమార్తె  అమాయిక  చి.సౌ.నీరదకు
ఆ గ్రంథాన్ని ఆవిడ అంకితం చేసారు.

ఆవిష్కరణ జరిగిన 10 జూలై
ప్రముఖ వేణుగాన సంగీత విద్వాంసులు,
రేడియోలో సంగీత విభాగం ప్రొడ్యూసర్ అయిన
హాస్యచతుర విశిష్ట వ్యక్తి కీ.శే.శ్రీనివాసన్ గారితో
శారదగారి వివాహం జరిగిన రోజు కావడం ఒక విశేషం.

శారద గారి పుస్తకంలో
నాకూ ఒక పేజీ లభించడం ,
నా గురించీ ఆవిడ రాయడం
ఎంతో ఆనందం కలిగించిన విషయం.

శారదగారు
తన మనసుకు హత్తుకుపోయిన కార్యక్రమాలలో
నేను రాసిన ఉదయతరంగిణి ని కూడా
జ్ఞాపకం చేసుకోవడం
నాకు పరమానందం.

మనసు కవి ఆత్రేయ మాటలలో శారద

పుస్తకం మీరెలాగూ చదువుతారు గానీ
ఈ లోగా నా ఆనందాన్ని ప్రకటించుకోవడానికే
ఈ నాలుగు మాటలూ..

పుస్తకం వెల కేవలం 125 రూపాయిలు.

శారద గారి చిరునామా:
శ్రీమతి.శారదా శ్రీనివాసన్ ,
204,సీతారామ ఎంక్లేవ్,
స్ట్రీట్ నం.10,హిమాయత్ నగర్,
హైదరాబాద్.29.



ఈ పుస్తకం చదవడం ఒక అనుభవం .వదులుకోకండేం!
ఈ పుస్తకం పై 2011 సెప్టెంబర్ 4 ఆదివారం ఉదయం 11.30 కు టి.వి.9 లో బుక్ పాయింట్ కార్యక్రమంలో సుధామ,కె.బి.లక్ష్మి పాల్గొన్నారు.ఆ వీడీయో రెందు భాగాలుగా కింద లింకులలో చూడవచ్చు
http://youtu.be/cPpo_fIJRPk
http://youtu.be/beOJsqjfAEU